DEG DEG+SAWIRO | Ganacsatada Muqdisho oo war Cusub shaaciyey & Shaqo joojin ….

Ganacsatada Gobolka Banaadir ayaa shaaciyey inay joojiyeen adeegsiga dekadda weyn ee Muqdisho, kadib cashuur dheeraad ah oo lagu soo rogay.

Kulan maanta yeesheen Ganacsatada gobolka Banaadir ayay ku doodeen in canshuurta dheeraadka ah ee lagu soo rogay ganacsatadooda gobolka oo kaliya aysan aqbali karin, balse ay raali ka yihiin haddii guud ahaan ganacsatada dalka si isku mid ah canshuurta loogu kordhiyo.

Ganacsatada G/banaadir ayaa ugu baaqday Madaxda dowlada Federaalka Soomaaliya inay soo fara geliyaan canshuur kordhinta lagu sameeyay ganacsatada gobolka Banaadir.

HOOS KA AKHRISO WAR-SAXAAFADEED

Ujeeddo: Warsaxaafadeed ka soo baxay Ganacsatada G/Banaadir.

Annaga oo ah Ganacsatada Gobolka Banaadir waxaan Cabasho ka qabnaa Canshuuraha xad dhaafka ah ee sida gaarka ah dusha looga saaray Ganacsatada Gobolka Banaadir taas oo sababtay in ganacsatadu ay ku khasaaraan Badeecooyinka ay ka soo dejiyeen Dekeda Muqdisho..

Asbaabta Cabashadeena oo faah faahsan.

Dekeda Muqdisho waxa ay ka qarash iyo Canshuur badan tahay Dekedaha kale ee ka jira Soomaaliya inteeda kale taas oo sababtay in Ganacsatada Muqdisho ay ku khasaaraan Badeecada ay ka soo dejiyaan Deskeda Muqdisho maadaama ayna la tartami karin Badeecadaha kale laga soo dejiyo Dekedaha kale wadanka oo laga qaado Canshuur ka yar tan laga qaado Ganacsatada Muqdisho.

Waxaan xusuusineynaa madaxda Dowlada in Ganacsatada Gobolka Banaadir ay tahay ganacsatada ugu Canshuur bixin badan Dalka Soomaaliya oo dhan ayna si gaar ah isga xilsaareen dhismaha Wadooyinka Muqdisho iyo arimaha la xariira gurmadka iyo taakuleynta dadka nugul ee dhibaatadu ka soo gaartay Abaaraha iyo dhibaatooyinka kale ee wadanka kajira.

Waxaan ka codsaneynaa wasaaradda maaliyadda in canshuuraha xad dhaafka ee sida gaarka dusha looga saaray ganacsatada Gobolka Banaadir ay dib u eegis ku sameeyso maadaama ay shirkada waaweyn oo ganacsi ay kaceen ayada oo ay isku biirsatay Duruufaha dhaqaala xumada ee wadanka kajira iyo canshuuraha xad dhaafka ee Dekeda Muqdisho looga qaado iyo Canshuuraadka kale ee hada dusha laga saaray ganacsatada Muqdisho.

Waxaan ugu baaqeynaa wasaaradda maaliyada in ay si ku mid ah oo loo wada siman yahay uga qaado Canshuuraha dhamaan ganacsatada Soomaaliyeed lagana daayo Ganacsatada Gobolka Banaadir Culeyska Canshuureed ee sida gaarka ah loogu haayo.

Ugu dabeyntii waxaan ka codsaneynaa Madaxda Dalka oo uu ugu horeeyo Madaxweynaha Jamhuuriyadda Federaalka Soomaaliya, in ay soo faragiliyaan arintaan waxna laga qabto dhibaatada haysatada Ganacsatada Gobolka Banaadir.
Waxaan rajeynaa in aad naga aqbali doontaan codsigeynga ,waxna ka qaban doontaan dhibaatada haysata Ganacsatada Gobolka Banaadir.

WABILAAHI — TOWFIIQ

Share This Post

Post Comment