Video| Daawo Farmaajo oo gudi usameynaya Mashaariicdii uu Puntland ka dhagax dhigay !

Madaxweynaha Soomaaliya Maxammed Cabdullahi Maxammed(Farmaajo)ayaa maanta ka warbixiyey safarkii Nabadda iyo Dib u heshiisinta ee uu ku soo maray degaannada Puntland iyo Galmudug.

Mudane. Farmaajo ayaa sheegay in Puntland ay dhaaftay heerkii nabadeynta iyo dib u-heshiisiinta,islamarkaana uu ku soo arkay horumar ballaaran iyo mashaariic baaxad weyn,balse dib u-heshiisiinta uu ka soo bilaabay soohdinta u dhexaysa Puntland iyo Galmudug gaar ahaanna magaalada Gaalkacyo.

Madaxweynaha ayaa sidoo kale sheegay in degaannada Puntland uu hawl weyn oo dhinaca din u-heshiisiinta ah ka soo qabtay,welina ay socoto dhammaystirka shaqadaasi,sidii ay taabba-gel u noqon lahayd.

Dhinaca kale wuxuu sheegay in dhowaan uu magacaabayo guddi ka shaqeeya, dabagalka fulinta mashaariic horumarineed ee uu ka dhagax dhigay deegaannadii uu socdaalka kusoo maray.

“Maalmaha soo socda waxaan magacaabayaa guddi dabagal ku sameeya mashaariicdii aan soo ballan qaadey, si aan ula soconno dhaqan galkooda. Dowladda waxaa ka go’an in ay kaalinteeda ka qaadato,”ayuu yiri Farmaajo.

Halkaan ka daawo.

Share This Post

RIIX HALKAN SI AAD UHESHO WARARKA TUKARAQ

Post Comment