R/W Kheyre oo Hay`ada IMF Ka dalbnaday in Soomaaliya laga cafiyo deymaha loo haysto

Xasan Cali Khayre Reysul wasaaraha xukumada Fedraalka Soomaaliya oo dalka Switzerlannd ugu qeyb galayay shir looga hadlaayay dhaqaalaha Aduunka ayaa Magaalada Davos kulan kula  qaatay Agaasimaha Guud ee Hay’adda Lacagta Adduunka (IMF) Christine Lagarde, kadib markii uu soo dhamaaday shirkii dhaqaalaha Adduunka ee Magaaladaas ka dhacayay.

Labadan masuul ayaa waxa ay ka wada hadleen kaalmada Hay’adda IMF ee Soomaaliya, gaar ahaan iyada oo loo marayo laba Barnaamij-Korjoogayaal Shaqaale ah iyo gargaar farsamo oo ballaaran iyo arrimo kale.

Christine Lagarde ayaa sheegtay Deeqaha deynta ee Soomaaliya in ay tahay mudnaanta IMF iyo dadaal kasta oo loo sameeyo si loo dedejiyo geeddi-socodka nidaamyada aasaasiga ah.

Sidoo kale waxa ay sheegtay Agaasimaha Hay’adda lacagta Adduunka IMF inuu meel wanaagsan marayo dhaq dhaqaaqa joogtada ah ee ka socda Soomaaliya, oo ay ka mid tahay in la gaaro qodobka awooda u siinaya in uu helo deyn bixinta iyadoo la adeegsanayo dadaal kasta.

Xasan Cali Khayre Ra’iisul Wasaaraha Xukuumadda Federaalka Soomaaliya ayaa IMF uga mahadceliyay sida wanaagsan ee ay u garab taagan yihiin Soomaaliya, wuxuuna Khayre rajo ka muujiyay in Soomaaliya laga cafiyo deymaha lagu leeyahay.

Xaaladaha dhaqaale ee hoos-yimaada Soomaaliya ayaa weli ah mid adag, laakiin madaxda ayaa dadaal adag ugu jira dib-u-dhiska dalkooda, Soomaaliya ayaa ka mid ah kuwa ugu badan ee qaata gargaarka farsamada ee IMF.

Share This Post

Post Comment